Plat Kinders

Het dialektj vanne gemeindje Kinder

Euver ós dialektj

Ederein dinktj in zien modertaal, zeet men waal ins

Ôm te weten in welke taal 'se dinks, mósse dao ins op lètte as'se get aan't doon bès. As'se den aan't prakkezere bès, wèt'sen het inne gang.

Ein taal gebroeke bestuit oet drie óngerdeile, namelik (geordendj van gemekkelik tot moeilik);

  • ❖ De oetspraak ❖
  • ❖ Het laeze ❖
  • ❖ Het sjrieve ❖

De oetspraak is veur eine dae gebore en getoge is in Kinder gei' probleem. Mer veur eine dae van boete Kinder kumptj is det al get anges. Het laeze is veural ei' probleem bie aojer minse, die ieërder het Nederlans ónger het laeze vertale nao het plat. Het is moeilik ôm die minse det nog aan te lieëre. Dao is ós woordebook "De Dunne Vandael" gesjiktj veur. Plat sjrieve gaon ze noeëts doon. Det is veur de jôngeluuj die in ein vastelaovins-vereiniging het gazètje sjrieve. Of veur minse die ei' sjoeën verhaol wille poste inne blog. Ôm der ein offisjele taal van te make zal moeilik zeen, mer het is waal get det bewaartj mót blieve. Dit is toch hieël get anges den einen Duitsen helm oet den ieëste waereldj-oorlog dae nog inne gróndj zitj..., neet?

Laevindj ónger de minse haoje, det is de boeëdsjap!

Veur en door jông en aod, binneshoes en oppe straot...

Alle Klinkers

De klinkers of klinkerkómbinasies waere al ins doorein gegoeëdj.

Hiej staon ze nów ins allemaol op ein riej.

De Dunne Vandael

ZEUK DE SPELLING VAN EIN WEURDJE OP

TYPE IN’T VLAOMS EN DE KRIEGS PLAT TRÖK

Ós dörpkes

Kinder

Dit is het dörp woe det de gemeindje nao geneumdj is.

Het plat is get glater den in de anger dörpe. Hiej is het plat het meiste neutraal. Gein "è" mer "i" en gein "-sj" mer "-st".

BIEËSEL

Hie huuer se den invloed van Rooi . Mer in het Oeëste (Manestraot), ouch ei' bitje van Itter. Gewaest weurtj dèk gewaesj.

OPHOVE

Hie huuer se invloede van Mezeik. Ker weurtj dao kar. Ein uuenj weurtj dao ein unj. De "i" weurtj dao de "è", veurbeeldj biej bringe en brènge. Toe weurdj tów.

KAESING

"Nao het fitse môt ich mich in het graas legke". Hie huuer se ouch duidelik den invloed van Itter en Thoeër.

Ouch wie oppe Manestraot, kan men in Kaesing zinge wiej in Itter. Thoeër weurdj Thoear.(wae sjrieve det waal neet zoeë inne gemeindje Kinder)

GEISTINGE

Letterlik einen euvergank van ophove nao Kaesing.

Dao weurtj ouch gefitstj in plaats van gefietstj.